📰 पेपर विभाग (तळमजला)

पेपर विभागात एकूण २४ वर्तमानपत्रे उपलब्ध असून त्यामध्ये १८ मराठी व ६ इंग्रजी पेपरांचा समावेश आहे. विभाग दररोज सकाळी ९ ते १२ आणि सायंकाळी ५ ते ८ या वेळेत, वर्षातील ३६५ दिवस सुरू असतो. दररोज सरासरी ५० ते ६० वाचक सकाळ व सायंकाळ या दोन्ही वेळेस उपस्थित राहतात. तसेच येथे नियमितपणे चित्र प्रदर्शन व पुस्तक प्रदर्शन आयोजित करण्यात येते.

📚 ग्रंथालय - पुस्तक देवघेव विभाग (पहिला मजला)

हा विभाग सकाळी ९ ते १२ व सायंकाळी ५ ते ८ या वेळेत सुरू असून सोमवार हा सुट्टीचा दिवस आहे. ग्रंथालयात एकूण १००७ सभासद आहेत (₹४०० अनामत व ₹५० मासिक वर्गणी). बालवाचक सभासदांची संख्या ४४९ असून त्यांना देणगीदारांच्या सहाय्याने मोफत सुविधा दिली जाते.

ग्रंथालयात एकूण ५६३९० ग्रंथ (मराठी, हिंदी, इंग्रजी), ७१ मासिके व १२५ दिवाळी अंक उपलब्ध आहेत. शालेय विद्यार्थ्यांसाठी मोफत वाचन कक्ष आहे. Open Access प्रणालीमुळे वाचकांना पुस्तके स्वतः निवडण्याची मुभा आहे. नवीन पुस्तकांचे डिजिटल प्रदर्शन व वाचकांच्या पसंतीनुसार पुस्तक खरेदी केली जाते.

🎤 सभागृह (दुसरा मजला)

सभागृहात विविध सांस्कृतिक कार्यक्रम जसे की संमेलन, अधिवेशन, व्याख्यान इत्यादी आयोजित केले जातात. महापुरुषांच्या जयंती व पुण्यतिथी कार्यक्रम, वाचन प्रेरणा दिन तसेच शाळा व कॉलेजसाठी माहितीपर मार्गदर्शन येथे दिले जाते.

📖 अभ्यासिका (तिसरा मजला)

अभ्यासिका सकाळी ७ ते रात्री ९ पर्यंत चालू असते. येथे पाणी, टेबल, संदर्भ पुस्तके व मार्गदर्शनपर व्याख्याने यांसारख्या सुविधा उपलब्ध आहेत. या अभ्यासिकेच्या माध्यमातून ४० ते ५० विद्यार्थी सरकारी सेवेत रुजू झाले आहेत.